Ərdoğan Trampı təbrik etdi

Türkiyə prezidenti Rəcəb Tayyib Ərdoğan ABŞ-nin yeni seçilmiş prezidenti Donald Trampla telefon danışığı aparıb və onu seçkilərdəki qələbəsi münasibətilə təbrik edib.

Teleqraf.com xəbər verir ki, bu barədə Türkiyə Prezident Administrasiyasının Kommunikasiya İdarəsi bildirib.

Məlumata əsasən, Ərdoğan telefon danışığı zamanı Trampı ABŞ prezident seçkilərində qazandığı qələbə münasibətilə təbrik edib.

"Türkiyə dövlət başçısı yeni dövrdə Türkiyə ilə ABŞ arasında əməkdaşlığın inkişaf etdirilməsi arzularını ifadə edib", - deyə qeyd olunub.