“Artıq tam əminəm ki, Rusiya bunu istəyir” – Ukraynalı komandir

Rusiya ordusu irəliləməyi planlaşdırır, Donbasla kifayətlənməyərək, mümkün qədər çox ərazi ələ keçirməyə çalışacaq.

Teleqraf.com xəbər verir ki, bu sözləri Ukrayna ordusunun PUA qrupunun komandiri Andrry Oçenaş deyib.

“Ruslar mövqelərimizə fəal şəkildə hücum edirlər. Deyə bilərəm ki, hədəfləri təkcə Donetsk və ya Donbası deyil, daha da irəliləmək istəyirlər. Əvvəllər düşünürdüm ki, onların istəkləri ilhaq etdikləri bölgələrlə məhdudlaşacaq. İndi tam əminəm ki, irəliləməyi planlaşdırır və mümkün qədər çox ərazini ələ keçirməyə çalışırlar”, - deyə komandir qeyd edib.