Lavrov atəşkəs şərtlərini sadaladı

"Ukrayna böhranı hələ də həll olunmaqdan çox uzaqdır".

Teleqraf.com xəbər verir ki, bunu Rusiyanın xarici işlər naziri Sergey Lavrov “Rossiyskaya qazeta”ya müsahibəsində deyib.

“Döyüş meydanında baş verənlərə görə, biz hələ də böhranın siyasi və diplomatik həllindən çox uzağıq”, - nazir bildirib.

Diplomat vurğulayıb ki, Rusiya Federasiyasının bu qəbuledilməz hərəkətlərə adekvat cavab verəcəyi ilə bağlı bütün xəbərdarlıqlara məhəl qoyulmayıb.

“Düşmən tərəfindən eskalasiya bizi xüsusi hərbi əməliyyatın məqsədlərinə çatmaqdan geri çəkilməyə məcbur etməyəcək”, - Lavrov deyib.

Lavrovun sözlərinə görə, Rusiya prezidenti Vladimir Putinin bəyanatını ifadə etsək, Rusiya hadisələrin istənilən inkişafına hazırdır, lakin həmişə mübahisəli məsələləri sülh yolu ilə həll etməyə üstünlük verir.

O, həmçinin bildirib ki , Ukraynada münaqişənin əsas səbəblərini aradan qaldırmaq lazımdır.

"Söhbət Rusiyanın qərb istiqamətində təhlükəsizliyinə uzunmüddətli təhdidlərin yaradılması, o cümlədən NATO-nun şərqə doğru genişlənməsi, Ukrayna hakimiyyəti tərəfindən rusların, özlərini rus və rus mədəniyyəti ilə əlaqələndirən insanların hüquqlarının pozulmasından gedir" - xarici işlər naziri vurğulayıb.

"Münaqişənin siyasi həllinin zəruri elementi Kiyev rejiminin nəzarətində olan ərazilərin bloklara qoşulmamış, neytral və nüvəsiz statusunun təmin edilməsi demilitarizasiya və denazifikasiya olmalıdır", - nazir deyib.

O əlavə edib ki, Rusiya Konstitusiyasında təsbit olunmuş siyasi və ərazi reallıqlarının tanınması da istənilən razılaşmalar üçün şərt olacaq.