Türkiyədə terror aktının qarşısı alınıb

Türkiyənin Diyarbəkir bölgəsində yola basdırılmış partlayıcı qurğular aşkarlanıb.

Bu barədə yayılan rəsmi məlumata görə, Diyarbəkir-Bingöl avtomobil yolunda aşkar olunan əldə düzəltmə partlayıcılar və minalar partladılaraq zərərsizləşdirilib.

Bildirilir ki, əldə düzəltmə partlayıcılar xüsusi tərkiblə xeyli gücləndirilibmiş. Jandarm qüvvələri ərazidə axtarışa başlayıblar. Bu hadisə güclü terrora cəhd kimi qiymətləndirilib.