Tbilisidə Riyaziyyat İnstitutunun binası uçub: həlak olanlar var

Tbilisidə bu gün demontaj zamanı Hesablama Riyaziyyatı və Fizika İnstitutunun binasının bir hissəsi uçub. Nəticədə 3 inşaat işçisi həlak olub, 1 nəfər yaralanıb.

Trend bu barədə RIA Novosti-yə istinadən xəbər verir.

Xilasedicilər bir saat ərzində dağıntılar altında qalan inşaat işçilərini çıxarıblar. Sağ qalan işçi sınıq və zədələrlə ən yaxın klinikaya yerləşdirilib.

Hüquq-mühafizə orqanlarının əməkdaşları faktla bağlı araşdırma aparır.

İlkin məlumata əsasən, bina bu yaxınlarda satılmışdı. Onun yerində mehmanxana inşa ediləcəyi planlaşdırılırmış.