BƏƏ-də məşhur yaşayış kompleksi yandı

Birləşmiş Ərəb Əmirliyində “Ajman One” yaşayış kompleksi yanır.

TASS agentliyinin məlumatına görə, alov artıq rayonun on iki binasını bürüyüb, yanğının daha da yayılması təhlükəsi var.

Xilasedicilər bildiriblər ki, yanğın barədə siqnal yerli vaxtla saat 21:45-də daxil olub. Hazırda yaşayış kompleksində sakinlərin təxliyyəsi həyata keçirilir. Yanğınsöndürənlər alovu lokallaşdırmağa çalışırlar.

Yanğın nəticəsində yarana biləcək zərər barədə məlumat hələ daxil olmayıb.