Ankaradakı “Numune” xəstəxanasında güclü yanğın

Ankarada "Numune" tədris və tədqiqat xəstəxanasında güclü yanğın baş verib.

Trend-in Anadolu Agentliyinə istinadən verdiyi məlumata görə, alovun söndürülməsi üçün əraziyə çox sayda yanğınsöndürən cəlb olunub.

İlkin məlumata görə, yüzdən artıq xəstə başqa bloklara köçürülüb, ölən və yaralanan yoxdur.

Hələlik yanğının baş vermə səbəbi açıqlanmır.