DQC: "Xalqı ordu ətrafında birləşməyə çağırırıq"

Deportasiya Qurbanları Cəmiyyəti (DQC) aprelin 2-nə keçən gecə cəbhə xəttində baş verən hadisəyə münasibətini açıqlayıb.

Teleqraf.com-un xəbərinə görə, qurum Azərbaycan Ordusunun ötən gün cəbhə xəttində atdığı bütün addımları birmənalı dəstəklədiyini ifadə edir, ordumuzun irəliləməsini sevinclə qarşıladığını vurğulayır: "Hadisə zamanı şəhid olanların ailəsinə dərin hüznlə başsağlığı verir, səbr diləyirik. Azərbaycan ictimaiyyətini, bütün vətəndaşları Azərbaycan Ordusu ilə həmrəylik nümayiş etdirməyə, ordu ətrafında birləşməyə çağırırıq".