Milli Məclisdə 15 qoca var - STATİSTİKA

Azərbaycan Mili Məclisində olan deputatlardan 15 nəfərinin yetmişdən çox yaşı var.

Dövlət Statistika Komitəsindən "Report"a verilən məlumata görə, 70 və daha yuxarı yaşda olan deputatlardan 14-ü kişidir.

19 deputat isə 65-69 yaş arasındadır. Bu yaşda olan deputatlardan 18-i kişidir. 16 deputat 60-64 yaşlarındadır ki, onlardan 2-si qadındır.

17 deputat 55-59, 20 deputat 50-54, 16 deputat isə 45-49 yaşlarındadır.

Parlamentdə 25-29 yaşlarında deputat yoxdur. 30-34 yaşlarında 3, 35-39 yaşlarında 9, 40-44 yaşlarında isə cəmi 10 deputat var.

Parlamentdə olan deputatların 16,8 faizi qadın, 83,2 faizi kişilərdir.