Hərbi çağırışçı dənizdə boğuldu - Foto

Lənkəranda bu gün hərbi xidmətə yollanacaq gənc dənizdə boğulub.

Hadisə dünən axşam saatlarına baş verib.

Cəlilabad rayon sakini, 1995-ci il təvəllüdlü Quliyev Adil Heybət oğlu dostları ilə birlikdə çimərliyə gəlib. Lakin o, dənizdə çimərkən boğulub.

Qeyd edək ki, onun cəsədini ləpələr sahilə çıxarıb. Məlumata görə, nişanlı olan A.Quliyev ali təhsilini yenicə bitiribmiş. O, bu gün hərbi xidmətə yola düşəcəkmiş.

Faktla bağlı araşdırma aparılır.

/Report/