14 İyul 2017 18:19
1 019
12 Punto 14 Punto 16 Punto 18 Punto

Azərbaycanlı milyarder, “Crocus Qrup”un sahibi Araz Ağalarov və oğlu Emin Ağalarov ABŞ-dakı mülklərini satışa çıxarıb.

Teleqraf.com “Forbes” jurnalına istinadla xəbər verir ki, Araz Ağalarov 2006-cı ilin aprelində ABŞ-ın ən zəngin şəhərlərinin birində dəyəri 8 milyon dollar olan dəbdəbəli mülk alıb.

Biznesmen həmin mülkü 6,98 milyon dollara satışa çıxarıb. Evdə böyük ailə otağı, kitabxana, istirahət otağı, ayrıca zirzəmi, kinoteatr, saunası olan trenajor zalı, şərab saxlanılan yer və əlavə yataq otaqları var.

Məlumata görə, Ağalarovların qonşuları rep-maqnat Şon Kombs və əfsanəvi musiqiçi Stivi Uanderdir.

Emin Ağalarov da həmin küçədə - Anderson avenyu-98 ünvanında yerləşən evə sahibdir.

Emin Ağalarov 0,77 akr olan mülkü atası ilə birgə 2008-ci ildə 3 milyon dollara alıb və daha ucuz qiymətə 2,9 milyon dollara satışa qoyub. Mülkə satış üzrə cavabdeh şəxs Eminin bacısı Şeyla Ağalarovadır.


Müəllif: Nərgiz