Küveyt iranlı diplomatları ölkədən qovdu - Yeni böhran

Küveyt rəhbərliyi ölkədəki İrana məxsus hərbi və mədəni attaşeləri qapadıb.

Teleqraf.com xarici mediaya istinadla xəbər verir ki, bununla yanaşı əl-Küveyt rəhbərliyi 15 iranlı diplomatı ölkədən qovub.

Bununla bağlı Küveyt Müdafiə Nazirliyi məlumat yayıb:

"Biz Küveytin hüquqlarını qorumaq üçün ölkədəki İran diplomatlarına qarşı tədbirlərlə bağlı qərar qəbul etdik. Ölkədə cəmi 4 iranlı diplomat qalıb".

Həmçinin, Küveyt hökuməti İranla hökumətlərarası bütün komitələrin işini dayandırıb.

Qeyd edək ki, Küveytdə saxlanılan terrorçular dindirilmə zamanı İranın dəstəklədiyi "Hizbullah" qruplaşması tərəfindən təlim gördüklərini etiraf ediblər.