Azərbaycanlı şair həbs edildi – Son xəbər

Güney Azərbaycanın Xoy şəhərində şair, yazıçı və ədəbi tənqidçi Şəhriyar Gələvani saxlanılıb.

Teleqraf.com xarici mediaya istinadla xəbər verir ki, təhlükəsizlik qüvvələri Şəhriyar Gələvanini Xoy şəhərindəki evində yaxalayıb və naməlum istiqamətə aparıblar.

Şairin 2017-ci il dekabrın 31-də Xoyda rejimin ədalətsiz siyasətinə qarşı keçirilən etiraz aksiyaları ilə əlaqədar saxlanıldığı bildirilir.

Şəhriyar Gələvani Xoy şəhərinin ədəbi çevrələrində tanınmış simalardan biridir. O, 2007-ci ilin Nobel mükafatçısı Doris Lessinqin “Tuneldən keçid” kitabını fars dilinə tərcümə edib.

Yayılan son məlumata görə, ötən günlərdə İran şəhərlərində keçirilən etiraz aksiyalarında 2 mindən çox etirazçı saxlanılıb, onlardan 90-nı tələbədir. Aksiyalar zamanı təhlükəsizlik qüvvələrinin açdığı atəş nəticəsindən 30-dan çox insan həlak olub.