Qəzzada toqquşma - 40 yaralı

Qəzza zolağında və İordan çayının qərb sahilində İsrail hərbçiləri ilə fələstinlilər arasında toqquşma olub.

Teleqraf.com xəbər verir ki, bu barədə Fələstin Qızıl Aypara Cəmiyyəti məlumat yayıb.

Toqquşma zamanı 40-dan çox fələstinli xəsarət alıb. İsrail hərbçiləri yerli sakinlərə qarşı döyüş və rezin güllələrdən, o cümlədən gözyaşardıcı qazdan istifadə edib.

ABŞ-ın Qüdsü İsrail paytaxtı kimi tanımasından sonra Qəzza zolağında və İordan çayının qərb sahilində etiraz aksiyaları davam edir.