Bayram Paşa kokainlə həbs edildi

İstanbul polisi “Torbaçı” ləqəbi ilə tanınan və məşhur şəxslər üçün narkotik vasitələr təşkil edən Sinan Bozburunu məşhur aktyor Adnan Koçla görüşərək ona narkotik maddə satdığı zaman həbs edib.

Teleqraf.com xəbər verir ki, polis Adnan Koçla birlikdə iki qardaşını da həbs edib.

Polis təqib etdiyi Koçun beş nəfərin istifadə edəcəyi kokainlə birlikdə kafeyə daxil olduğunu öyrənib. Dərhal məşhur aktyor və qardaşları həbs edilib. Polislə qarşıdurmaya çıxan Koça narkotik vasitə təmin etmək, istifadə və kokain ticarəti maddələri ilə cinayət işi qaldırılıb.

Torbaçı ləqəbli Sinan Bozburun da əməliyyat zamanı yaxalanıb, daha sonra barəsində həbs qərarı çıxarılıb.

Qeyd edək ki, Adnan Koç “Möhtəşəm Yüz İl” filmində Bayram Paşa obrazını canlandırıb.