Türkiyədə torpaq üstündə dava - 3 ölü, 1 yaralı

Türkiyənin Kırıkkale əyalətinin Balışeyh qəsəbəsində torpaq üstündə dava olub.

Teleqraf.com xəbər verir ki, bu barədə “Anadolu” agentliyi məlumat yayıb.

Xəbərə əsasən, əkin sahəsi üstündə kəndlilər arasında mübahisə düşüb. Mübahisə böyüyərək silahlı insidentə çevrilib. Nəticədə 3 nəfər ölüb, 1 nəfər isə xəsarət alıb. Yaralı şəxs Kırıkkale xəstəxanasına yerləşdirilib.

Kəndə jandarma qüvvələri göndərilib. Hadisə ilə bağlı araşdırma aparılır.