9 Noyabr 13:16
207

Qəbələ rayonunun Çarxana kəndi ərazisində ağır yol-nəqliyyat hadisəsi baş verib.

Teleqraf.com xəbər verir ki, Türkiyə vətəndaşı Benil Ertuğrul Mustafa idarə etdiyi “TOFAŞ” markalı avtomobili yolun kənarındakı ağaca vurub.

Nəticədə sürücü hadisə yerində ölüb, 1 sərnişini xəstəxanaya yerləşdirilib.

Daxili İşlər Nazirliyinin yaydığı digər məlumata görə, Qusar rayonunun Yasab kəndi ərazisində rayon sakini Vəlixan Vəlixanov idarə etdiyi “Opel” markalı avtomobili aşırıb.

Nəticədə sürücü hadisə yerində ölüb, 3 sərnişini xəstəxanaya yerləşdirilib.

Vəlixan Vəlixanov Qusar rayon İcra Hakimiyyətinin Həzrə kənd inzibati ərazi dairəsi üzrə nümayəndəsi vəzifəsində işləyib.

Hər iki faktla bağlı cinayət işi başlanıb.


Müəllif: Hacı Zeynalov
Загрузка...