Oğuz sakini döyülərək qarət edildi

Qəbələ rayonunda soyğunçuluq hadisəsi baş verib.

Teleqraf.com xəbər verir ki, rayon ərazisində Oğuz rayon sakini T.Məmmədovu döyərək 2838 manatını alıblar.

Qəbələ rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Mıxlıqovaq kənd sakini V.Fətəliyev və Oğuz rayon sakini, əvvəllər məhkum olunmuş F.Tağıyev saxlanılıblar.

Faktla bağlı Qəbələ rayon polis şöbəsində araşdırma aparılır.