Bilal Əliyevə ağır itki üz verdi

Xalq artisti Bilal Əliyevin atası dünyasını dəyişib.

Bu barədə Teleqraf.com-a Bilal Əliyev özü bildirib. O, atasının 88 yaşında qəflətən vəfat etdiyini deyib:

"Atam Salyanda yaşayırdı. Qəflətən halı pisləşdi və dünyasını dəyişdi. İki qardaşım 44 yaşında dünyasını dəyişib. Onların dərdini çəkirdi. Ölümündən iki saat əvvəl telefonla danışdım, dedi ki, gəlinim necədi? Onu sənə tapşırıram, incitmə! Sonra qardaşım zəng etdi ki, atamın halı pisləşdi. Qardaşımım qucağında dünyasını dəyişdi".