Bakıda mağazaya maskalı basqın edildi

Bakının Xətai rayonunda mağazaya basqın edilib.

Teleqraf.com xəbər verir ki, rayonun Gəncə prospektində "Oba" marketə 1 nəfər üzünü tibbi maska ilə bağlayan şəxs girib.

O, əlindəki bıçaqla orada satıcı işləyən Bakı şəhər sakini, 1994-cü il təvəllüdlü Cavad Nurullayevi hədələyib və kassadan 1 200 manat götürərək hadisə yerindən qaçıb.

Zərərçəkmiş baş verən hadisə ilə bağlı Xətai rayon Polis İdarəsinin 36-cı polis bölməsinə müraciət edib.

Hazırda cinayəti törədən şəxsin tutulması üçün əməliyyat tədbirləri görülür.

Faktla bağlı cinayət işi başlanıb.