Ramiz Mehdiyevin kürəkəni və qudası hakim qarşısında - Qalmaqallı toy

Xəbər verdiyimiz kimi ötən gün AMEA prezidenti, akademik Ramiz Mehdiyevin kürəkəni, sabiq millət vəkili İlham Əliyev karantin qaydalarını pozaraq qızı üçün toy mərasimi təşkil etmişdi.

Teleqraf.com xəbər verir ki, eks-deputat təşkil etdiyi toy məclisinə görə məhkəmə qarşısında cavab verəcək.

Toy sahibləri Ramiz Mehdiyevin kürəkəni sabiq deputat İlham Əliyev və qudası Rövşən Mustafayev məhkəməyə gətirilib. Onların İnzibati Xətalar Məcəlləsinin 211-ci maddəsinə (Epidemiya əleyhinə rejimin, sanitariya-gigiyena və karantin rejimlərinin pozulması) əsasən cərimələnəcəyi ehtimal edilir.

Saat 12:00-da Abşeron rayon məhkəməsində proses başlayacaq.