Bakıda qonşular arasında qanlı dava: 2 yaralı

Bakının Sabunçu rayonunda bıçaqlanma hadisəsi baş verib.

Teleqraf.com xəbər verir ki, rayonun Pirşağı qəsəbəsində qonşular arasında mübahisə yaranıb.

Mübahisə zamanı 1965-ci il təvəllüdlü Elvin Əhmədov qonşusu ilə əlbəyaxa davaya çıxıb.

Dava zamanı Elvin Əhmədov bıçaqlanıb.

Hadisə zamanı araya keçən Elvin Əhmədovun qohumu, 1962-ci il təvəllüdlü Seyran Əhmədov da bıçaq xəsarəti alıb.

Hər iki yaralı xəstəxanaya yerləşdirilib. Onlara tibbi yardım göstərilib.

Faktla bağlı cinayət işi başlanıb.