Xızıda əməliyyat: Həbs olunan var – Foto

Xızı rayon polis şöbəsinin əməkdaşlarının keçirdiyi əməliyyat-axtarış tədbirləri nəticəsində rayon ərazisində narkotik maddələrin qanunsuz dövriyyəsində şübhəli bilinən Şorabad qəsəbə sakini Mehman Axundov saxlanılıb.

Teleqraf.com xəbər verir ki, şəxsi axtarış zamanı ondan narkotik maddə olan heroin aşkarlanıb.

Əməliyyat tədbirlərinin davamı olaraq M.Axundovun yaşadığı evə keçirilən axtarış zamanı isə oradan bir ədəd lüləsi kəsilmiş odlu silah aşkar edilib.

Faktla bağlı Xızı rayon polis şöbəsində cinayət işi açılıb.

İstintaq hərəkətləri davam etdirilir.