Yevlaxda avtobus yandı - Video

Yevlaxda sərnişin avtobusu yanıb.

Teleqraf.com xəbər verir ki, hadisə Bakı Qazax avtomagistralının Yevlax rayonunun Aşağı Qarxun kəndindən keçən hissəsində baş verib.

Paytaxtdan Mingəçevirə hərəkət edən sərnişin dolu avtobus qəfildən alovlanıb.

Alovu söndürmək mümkün olmadığından hadisə yerinə yanğınsöndürənlər çağrılıb.

Alov söndürülüb. Hadisə zamanı sərnişlər arasında xəsarət alan olmasa da bir neçə sərnişin həyacan keçirib.

Yanğının baş vermə səbəbləri araşdırılır.