Polis əməliyyat keçirdi – Həbs olunanlar var

Bakının Yasamal rayonunda oğurluq hadisəsi baş verib.

Teleqraf.com xəbər verir ki, rayonunun A.M.Şərifzadə küçəsində yerləşən avtomobil təmiri sexlərinin birindən 10.500 manat dəyərində səsboğucu və 4 ədəd səsboğucu göstəricisinin qeyri-aşkar şəraitdə oğurlanması barədə polisə məlumat daxil olub.

28-ci polis bölməsi əməkdaşlarının keçirdikləri əməliyyat tədbirləri nəticəsində oğurluq əməlində şübhəli bilinən Zaqatala rayon sakinləri, əvvəllər məhkum olunmuş Faiq Buğluyev və qardaşı Tərlan müəyyən olunaraq saxlanılıblar.

Bundan başqa, dekabrın 4-də Binəqədi rayonu ərazisindən A.Bayramova məxsus “Toyota Prius” markalı avtomobilin qaçırılması barədə polisə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Neftçala rayon sakini, əvvəllər məhkum olunmuş Ramazan Bağırov saxlanılıb.

Salyan rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində isə dekabrın 21-də rayonunun Qırxçıraq kəndi ərazisindən F.Şirinova məxsus “VAZ-2106” markalı avtomobili qaçırmaqda şübhəli bilinən rayon sakini Xalid Mirişov avtomobillə birgə saxlanılılıb.

Bütün faktlarla bağlı araşdırma aparlır.