Market işçisi 10 min manatlıq ərzaq oğurladı

Paytaxtın Nərimanov rayonunda marketdən 10 min manatlıq ərzaq malları oğurlanıb.

Daxili İşlər Nazirliyinin mətbuat xidmətindən Teleqraf.com-a bildirilib ki, Nərimanov Rayon Polis İdarəsinin 17-ci Polis Şöbəsi əməliyyat-axtarış tədbirləri keçirib.

Bu tədbirlər nəticəsində martın 13-dən 21-dək olan müddətdə rayon ərazisindəki marketlərin birindən 10 min manat dəyərində ərzaq malları oğurlamaqda şübhəli bilinən marketin işçisi, Gəncə şəhər sakini V.İsgəndərov saxlanılıb.