Laçında itkin düşmüş şəhidimizin 31 il sonra cəsədi tapılıb? - Prokurorluqdan açıqlama

Doğru məlumat deyil.

Teleqraf.com xəbər verir ki, bu, yerli mediada Laçında itkin düşmüş şəhidimizin 31 il sonra cəsədinin tapılması ilə bağlı yayılan məlumat əsasında Trend-in sorğusuna cavab olaraq Baş Prokurorluqdan bildirilib.

"Tamamilə əsassızdır", - deyə Baş Prokurorluq cavabında qeyd edib.

Qeyd edək ki, yerli media orqanlarında yayılan məlumata görə, Birinci Qarabağ müharibəsi zamanı itkin düşmüş şəhid Həsənov Rəhman Əhliman oğlunun cəsədi 31 ildən sonra tapılıb. Məlumatda o da qeyd olunurdu ki, Rəhman Həsənovun cəsədi 1992-ci ildə döyüşərək şəhid olduğu Laçının Suarası kəndində aşkarlanıb.