“Nikosayağı” ağır qəzaya düşdü - Foto

Sosial şəbəkələrdə “Nikosayağı” adı ilə tanınan bloger Nicat Şakirlinin idarə etdiyi avtomobil qəzaya uğrayıb.

Teleqraf.com xəbər verir ki, Nicat Şakirlinin idarə etdiyi “Porsche” markalı avtomobil hadisə Heydər Əliyev prospektində TIR-l toqquşub. Qəza nəticəsində bloger və avtomobildə olan sərnişinlər ağır bədən xəsarətləri alaraq xəstəxanaya aparılıblar. Sosial mediada yayılan məlumatlara görə, əmisi oğlu Ruslan hadisə yerində keçinib.

Hadisə yerinə polis əməkdaşları cəlb olunub.

***

Qəza ilə bağlı TƏBİB məlumat yayıb.

Məlumatda deyilir ki, xəsarət alanlar-29 yaşlı Nicat Şakirli sağ yuxarı ətrafın dirsəkdən amputasiyası, 23 yaşlı Fəxri Rüstəmov isə sağ əlin kəsilmiş yarası diaqnozu ilə TƏBİB-in tabeliyindəki tibb müəssisələrinə təxliyə olunublar. Hazırda onlara zəruri tibbi xidmət göstərilir. Qəza nəticəsində həkimə qədər 1 ölüm qeydə alınıb.