Naxçıvanda yol qəzası - Xəsarət alanlar var

Naxçıvan Muxtar Respublikasının Fövqəladə Hallar Nazirliyinin (FHN) "112" qaynar telefon xəttinə Naxçıvan Muxtar Respublikasının Naxçıvan şəhərində yol-nəqliyyat hadisəsi ilə əlaqədar xilasedici köməyinə ehtiyac olması barədə məlumat daxil olub.

Fövqəladə Hallar Nazirliyindən Teleqraf.com-a bildirilib ki, məlumatla əlaqədar FHN-nin Dövlət Yanğın Təhlükəsizliyi İdarəsinin müvafiq xilasetmə qüvvələri çağırış üzrə cəlb olunublar.

Əməliyyat şəraiti qiymətləndirilərkən müəyyən olunub ki, “Mercedes” və “ГАЗ” markalı iki minik avtomobilinin toqquşması nəticəsində 2 nəfər avtomobillərdən birində sıxılmış vəziyyətdə qalıb.

Həyata keçirilən xilasetmə tədbirləri nəticəsində hər iki şəxs avtomobildən çıxarılaraq təcili tibbi yardım briqadasına təhvil verilib.