Bakıda mağazadan 80 min manatlıq oğurluq edildi

Bakının Nərimanov rayonunda mağazadan oğurluq edilib.

Teleqraf.com xəbər verir ki, Nərimanov rayonu ərazisindəki mağazaların birindən 80.000 manat dəyərində inşaat materiallarının oğurlanması barədə polisə məlumat daxil olub.

Nərimanov rayon Polis İdarəsinin 17-ci polis şöbəsi əməkdaşlarının keçirdikləri tədbirlərlə cinayət əməlini törətməkdə şübhəli bilinən Göyçay rayon sakini Nazir Cavadov və Ağdaş rayon sakini Mehman Məcidov müəyyən olunaraq saxlanılıblar.

Faktla bağlı araşdırma aparılır.