İstanbuldan Özbəkistana uçan təyyarə məcburi eniş etdi

İstanbuldan Özbəkistana uçan sərnişin təyyarəsi texniki nasazlıq səbəbindən Amasya Merzifon hava limanına məcburi eniş edib.

Teleqraf.com yerli mətbuata istinadən xəbər verir ki, Daşkəndə uçan Qanot Şərq Hava Yollarına məxsus sərnişin təyyarəsinin kapitanı Amasyada olarkən təyyarədə texniki nasazlıq aşkarlayıb.

Kabin təzyiqində anormal əlamətlər müşahidə edildikdə, ehtiyat tədbiri olaraq təyyarənin Merzifon hava limanına endirilməsi qərara alınıb.

Aeroport rəsmiləri ilə görüşdən sonra 152 sərnişini olan təyyarə təhlükəsiz şəkildə uçuş-enmə zolağına enib.

Bildirilib ki, nasazlıq aradan qaldırıldıqdan sonra təyyarə yenidən Daşkəndə havaya qalxa bilər.