Bakıda sürüşmə - Bina təhlükəli vəziyyətə düşdü

Bakının Xətai rayonu ərazisində sürüşmə baş verib.

Teleqraf.com xəbər verir ki, bu barədə paytaxt sakinləri "Baku.ws"ə bildiriblər.

Qeyd edilib ki, bu gün saat 15 radələrində paytaxta yağan yağış nəticəsində Gəncə prospekti, 97 ünvanında yerləşən yaşayış binasının qarşısında torpaq sürüşüb. Nəticədə binanın arxasında istinad binası təhlükəli vəziyyətdə qalıb.

Məsələ ilə əlaqədar olaraq Xətai Rayon İcra Hakimiyyəti Aparatının İctimai-siyasi və humanitar məsələlər şöbəsinin müdiri Pənah İmanov bildirib ki, hadisə yerinə mütəxəssislər göndəriləcək və araşdırmalardan sonra məlumat veriləcək.

Həmin görüntüləri təqdim edirik: