Rusiyanın yük təyyarəsi vuruldu

Sudanda rusların olduğu iddia edilən yük təyyarəsi vurulub.

Teleqraf.com TASS-a istinadən xəbər verir ki, bu barədə Rusiya səfirliyi məlumat yayıb.

Məlumata görə, Sudanın qərbindəki Darfur bölgəsini ələ keçirən üsyançı Çevik Reaksiya Qüvvələri sosial şəbəkələrdə bildiriblər ki, ekipajında ​​Rusiya vətəndaşlarının da olduğu Sudanın İl-76 yük təyyarəsi əyalətdə vurulub.

Rusiya diplomatik missiyası bildirib ki, ölkə diplomatları Sudan rəsmiləri ilə əlaqə saxlayır və bu insidentin baş vermə şəraitini aydınlaşdırmaq üçün bütün lazımi tədbirləri görürlər.

Onlar həmçinin qeyd ediblər ki, təyyarənin qəzaya uğradığı ərazinin döyüşlərin getdiyi Darfurda olması vəziyyəti mürəkkəbləşdirir.