Uorlik: "Ümid edirəm ki, yaxın vaxtlarda regiona səfər edəcəyik"

Dağlıq Qarabağ münaqişəsinin nizamlanması üzrə ATƏT-in Minsk qrupunun həmsədrləri yaxın vaxtlarda regiona səfər etməyi planlaşdırır.

Teleqraf.com xəbər verir ki, bu barədə "Report"a ATƏT-in Minsk qrupunun ABŞ-dan olan həmsədri Ceyms Uorlik bildirib.

"Regiona səfərin tarixi hələ məlum deyil, amma ümid edirəm ki, yaxın vaxtlarda regiona səfər edəcəyik", - deyə o qeyd edib.

Xatırladaq ki, vasitəçilər sonuncu dəfə Dağlıq Qarabağ münaqişəsinin həlli məsələsini dekabrın 3-4-də ATƏT Xarici İşlər Nazirləri Şurasının iclası çərçivəsində Belqradda müzakirə edib. Dekabrın 19-da isə İsveçrənin Bern şəhərində ATƏT-in Minsk qrupu həmsədrlərinin iştirakı ilə Azərbaycan və Ermənistan prezidentlərinin görüşü keçirilmişdi.