“Prezident olmaq üçün məndən kömək istəyən partiya sədrinə dedim ki…”

“Siyasi partiyalardan birinin sədri israr etdi, görüşüb çay içdik. 1 saatlıq söhbətin 55 dəqiqəsini o danışdı”.

Teleqraf.com xəbər verir ki, bunu ADR Hərəkatının funksioneri, İsa Qəmbərin sabiq müşaviri Səxavət Əlisoy feysbuk səhifəsində yazıb.

Fikrini davam etdirən Əlisoy qeyd edib ki, söhbət zamanı məlum olub ki, partiya sədri 2018-ci ildə keçiriləcək prezident seçkilərində namizəd olmaq istəyir və bu məqsədlə indidən özünə komanda yığır: “Belələri haqqında el dilində deyirlər ki, yuxusunu qoyub nədən danışır. Kəsəsi, partiya sədri “komandası”nda təmsil olunmağımı rica etdi. Yardım edə bilməyəcəyimi dedim. Səbəbini soruşdu. Psixiatr olmadığımı xatırlatdım. Bununla da söhbətimiz bitdi”.

Cavad