Millimiz finala vəsiqə qazandı

Çimərlik futbolu üzrə milli komandamız İtaliyanın Katanya şəhərində təşkil olunmuş Avropa Liqasının super final mərhələsində növbəti oyunun keçirib.

Teleqraf.com-un AFFA-nın saytına istinadən yaydığı xəbərə görə, Çexiya yığması ilə qarşılaşan komandamız rəqibini 5:1 hesabı ilə məğlub edib.

Bu gün millimiz final mərhələdə son oyununu Macarıstan milisinə qarşı keçirəcək. Qalib komanda 1-ci liqada 12 ən güclü komanda arasında mübarizə aparmaq üçün vəsiqə qazanacaq.

Xatırladaq ki, bundan öncə yığmamız Türkiyə millisini 5:3, İngiltərə millisini 2:0 hesabı ilə məğlub edib.