40 yaşlı futbolçu Almaniyanın tarixinə düşdü

Almaniya çempionatının 22-ci turunun “Herta” ilə oyununda (1:1) vurduğu qol “Verder”in hücumçusu Klaudio Pisarro üçün əlamətdar olub.

Teleqraf.com xəbər verir ki, matçın 90+6-cı dəqiqəsində fərqlənən perulu forvard Bundesliqada qol vuran ən yaşlı futbolçu kimi tarixə düşüb. 40 yaşlı oyunçu bununla “Verder”in sabiq üzvü Miroslav Votavanın rekurdunu yeniləyib.

Qeyd edək ki, ardıcıl 21 ildir ki, Bundesliqada qol vuran Pisarro çempionat tarixində ən yaxşı əcnəbi bombardirdir.