Emeqara “Qarabağ”ın yeni müqavilə təklifini qəbul etmədi

“Qarabağ”ın futbolçusu İnnosent Emeqara klubun yeni müqavilə təklifini qəbul etməyib.

30 yaşlı isveçrəli hücumçu bu barədə “Bilck” portalına bildirib.

Onun sözlərinə görə, Ağdam təmsilçisinin irəli sürdüyü şərtlər onu qane etməyib. Ancaq Nigeriya əsilli forvard məsələnin hələ açıq qaldığını vurğulayıb: “Görək nə baş verir”.

Qeyd edək ki, 2014/2015 mövsümündə də “Qarabağ”da çıxış edən Emeqara ötən yay Ağdam klubuna qayıdıb. O, cari mövsümdə Premyer Liqada 11 oyun 5 qol vurub. Avrokubokda iştirak etdiyi 3 matçda isə 1 dəfə qırmızı vərəqə görməklə diqqət mərkəzinə düşüb. Ötən ilin sonunda zədələndiyi üçün əməliyyat olunan forvard əsas heyətdəki yerini itirib. /Report/