Berti Foqts: "İki kobud səhvə görə uduzduq"

"Qazandığı çətin qələbəyə görə İtaliya millisini təbrik etmək istəyirəm. Müdafiədə iki kobud səhvə yol verdik. Hava toplarındakı səhvlər qapımızdan 2 top buraxmağımıza səbəb oldu. Gənc komandamız üçün belə çıxış yaxşı idi".

Teleqraf.com-un məlumatına görə, bu sözləri Azərbaycan milli komandasının baş məşqçisi Berti Foqts futbol üzrə “Avro-2016”nın seçmə mərhələsi çərçivəsində keçirilən İtaliya-Azərbaycan oyunundan sonra təşkil olunan mətbuat konfransında söyləyib.

Yığmanın oyununu şərh edən B.Foqts deyib: “Son 20 dəqiqədə futbolçularımızda hücumameyilli oynamaq üçün güc qalmamışdı. Belə səhvlərdən nəticə çıxarmalıyıq. Standart vəziyyətlərdə belə səhvlərə yol verməməliyik”.
Azərbaycanda futbolun inkişafı ilə bağlı sualı cavablandıran baş məşqçi vurğulayıb ki, bu istiqamətdə xeyli irəliləyişlər var. Uşaqların daha erkən yaşda futbola maraq göstərməsi üçün şərait yaradılır. AFFA tərəfindən artıq uşaqlar üçün futbol meydançaları salınıb.

Xatırladaq ki, İtaliyanın Palermo şəhərindəki “Renzo Barbera” stadionunda keçirilən İtaliya-Azərbaycan qarşılaşması yığmamızın 2:1 hesablı məğlubiyyəti ilə başa çatıb.