Azərbaycan Premyer Liqası: Bu gün daha 2 oyun keçiriləcək

Bu gün Azərbaycan Premyer Liqasında IV turun daha 2 oyunu keçiriləcək.

Teleqraf.com-un məlumatına görə, qarşılaşmalar paytaxtda təşkil olunacaq.

Günün ilk matçı "ASCO Arena"da "Səbail" və "Sabah" komandaları arasında gerçəkləşəcək.

Hazırda "Sabah" 3 oyundan 6 xalla 2-ci, xalı olmayan "dənizçilər" isə sonuncu pillədə qərarlaşıb.

Günün digər oyununda "Keşlə" "ASK Arena"da "Zirə"ni qəbul edəcək. Hazırda Yunis Hüseynovun rəhbərlik etdiyi komanda 5 xalla 5-cidir. Rəşad Sadıqovun baş məşqçi olduğu kollektiv isə 4 xalla 6-cı yerdə gedir.

Azərbaycan Premyer Liqası, IV tur

26 sentyabr (şənbə)

18:00. “Səbail” – “Sabah”
Hakimlər: Elçin Məsiyev, Elşad Abdullayev, Kamran Bayramov, Tural Qurbanov
Hakim-inspektor: Zöhrab Qədiyev
AFFA nümayəndəsi: Elgiz Abbasov
“ASCO Arena”

20:15. “Keşlə” – “Zirə”
Hakimlər: Rəvan Həmzəzadə, Rahil Ramazanov, Cavanşir Yusifov, Namiq Bəkirov
Hakim-inspektor: Babək Quliyev
AFFA nümayəndəsi: Mübariz Hüseynov
“ASK Arena”

Qeyd edək ki, IV turun açılış matçında "Qarabağ" səfərdə "Sumqayıt"la heç-heçə edib - 2:2. Tura sabah "Dalğa Arena"da keçiriləcək "Neftçi" - "Qəbələ" oyunu ilə yekun vurulacaq.