"Kim olduğumuzu göstərməyin vaxtıdır" - "Olimpiakos"un baş məşqçisi

"Artıq kim olduğumuzu göstərməyin vaxtıdır".

Teleqraf.com xəbər verir ki, bunu Yunanıstanın "Olimpiakos" komandasının baş məşqçisi Miçel Qonsales Bakıda "Qarabağa"a qarşı keçirəcəkləri UEFA Avropa Liqasının qrup mərhələsinin IV tur oyunundan əvvəl məşqdə futbolçulara deyib.

59 yaşlı mütəxəssis artıq böyük nəticələr haqqında düşünməli olduqlarını bildirib.

Pirey təmsilçisinin təcrübəli müdafiəçisi Sokratis Papastatopulos OFİ-yə 2:1 hesabı ilə qalib gəldikləri Yunanıstan Super Liqasının VII tur oyunundan sonra komanda yoldaşlarını bir araya yığaraq onlarla söhbət edib. 34 yaşlı oyunçu ardıcıl yaxşı nəticələr qazanmaq istədiklərini söyləyib.

Qeyd edək ki, oktyabrın 13-də Tofiq Bəhramov adına Respublika stadionunda oynanılacaq "Qarabağ" - "Olimpiakos" matçı saat 20:45-də başlayacaq. "Köhlən atlar" III turda Afinadakı görüşdə rəqibini 3 cavabsız qolla məğlub edib.