Bəhlul Mustafazadə Avropa Liqasının simvolik komandasına daxil edildi - Foto

“Sofascore” resursu Avropa Liqasının beşinci turunun rəmzi komandasını müəyyənləşdirib.

Teleqraf.com xəbər verir ki, buraya Norveçin “Molde” klubu ilə səfər matçının 90+5-ci dəqiqəsində qola imza atan “Qarabağ”ın futbolçusu Bəhlul Mustafazadə də daxil edilib.

Həmçinin, simvolik komandada Kodi Qakpo (“Liverpul”), Pyer-Emerik Obameyanq (“Marsel”), Matey Kovarj (“Bayer”) kimi futbolçular da yer alıb.