"Roma"nın qapıçısı sıradan çıxdı

Çempionlar Liqasının qrup mərhələsinin ilk turunda "Barselona" ilə bərabərə qalan "Roma" ciddi itkiylə üzləşib.

Teleqraf.com-un "Roma Press"ə istinadən verdiyi məlumata görə, paytaxt təmsilçisinin qapıçısı Voyçex Şesni zədələnərək sıradan çıxıb.

İkinci hissənin əvvəllərində "Barselona"nın hücumçusu Luis Suareslə toqquşmada sol əlindən zədələnən polşalı qolkiper bu gün tibbi müayinədən keçib. Şesninin 4-6 həftə yaşıl meydanlardan kənar qalacağı bildirilir.

Qeyd edək ki, "Roma" - "Barselona" oyunu 1:1 hesabı ilə başa çatıb.