Nazir müavini: “Güzəştli şərtlərlə kredit, toxum, gübrə almaq imkanı yaradılıb”

“Prezident İlham Əliyev tərəfindən bu gün aqrar sahənin inkişafına yüksək diqqət və qayğı göstərilir”.

Bu sözləri kənd təsərrüfatı nazirinin müavini İlham Quliyev deyib.

Nazir müavini bildirib ki, aqrar sahədə fermerlərə böyük güzəştlər edilir. Onun sözlərinə görə, kənd təsərrüfatı məhsulları istehsalçıları vergilərdən azad edilib: “Fermer və sahibkarlara güzəştli şərtlərlə kredit, toxum, gübrə, texnika, damazlıq mal-qara almaq imkanı yaradılıb. Fermerlər suvarma texnologiyalarını 40 faiz güzəştlə əldə edirlər. Elmi müəssisələrdə yetişdirilən elit, super elit və orijinal toxumlar dövlət tərəfindən dotasiya olunur. Əkin sahələrinin becərilməsində istifadə olunan yanacaq və motor yağlarına görə istehsalçılara hər hektar üçün 50 manat, buğda və çəltik istehsalçılarına isə əlavə olaraq daha 40 manat subsidiya verilir”.

CAVAD