Ən çox hansı rayon ünvanlı sosial yardım alır? - Heyrət doğuran mənzərə

Azərbaycanda ən çox ünvanlı sosial yardım alanlar Lənkəran rayonundadır.

Əmək və Əhalinin Sosial Müdafiəsi Nazirliyinin (ƏƏSMN) saytında yer alan materiallar göstərir ki, bu rayonda 3089 ailə yardım alır. Siyahıda ikinci region Sumqayıtdır- 3079 nəfər. Üçüncü yerdə olan Masallıda isə 3006 ailə ünvanlı sosail yardım təyin edilib.

Ölkədə ən az yardım verilən rayon Xocalıdır. Bu rayonda cəmi 43 ailəyə sosial yardım təyin edilib.

Ümumiyyətlə, siyahıda işğal altında olan rayonlardan olan vətəndaşların sayı digərləri ilə müqayisədə çox azdır. Adi rayonlara gəlincə, ən az sosial yardım Naftalandakı ailələrə verilir – cəmi 108 ailə sosial yardım alır. Xızıda 191, Ağstafada 349, Oğuzda cəmi 380 ailə sosial yardımla təmin olunur.

Bakının rayonlarına gəlincə, ünvanlı yardım barədə məlumatlar göstərir ki, paytaxtda ən yaxşı yaşayanlar Səbail rayonunun sakinləridir. Bu rayonda cəmi 255 ailə sosial yardım alır. Müqayisə üçün bildirək ki, Suraxanı və Binəqədidə yardım alan ailələrin sayı 1800-1900 arasındadır.

Ümumilikdə Bakıda ən kasıb ailələr Xəzər rayonundadır – bu rayonda yardım alan ailələrin sayı 3 min nəfərdir:

Binəqədi – 1964 ailə
Xətai - 1633 ailə
Xəzər – 2926 ailə
Qaradağ – 982 ailə
Nərimanov – 1156 ailə
Nəsimi – 802 ailə
Nizami - 1016 ailə
Sabunçu - 1810 ailə
Səbail - 255 ailə
Suraxanı – 1738 ailə
Yasamal – 1379 ailə

Ən maraqlısı odur ki, Bakının bəzi rayonlarda yardım alanların sayı bölgələrdən artıqdır. Qeyd edildiyi kimi, Xızıda cəmi 191 ailə, Ağstafada 349 ailə, Oğuzda 380 ailə, Qobustanda 495 ailə, İsmayıllıda 656 ailə, Zərdabda 688 ailə, Hacıqabulda 714 ailə, Qaxda 750 ailə yardım alır. Baxmayaraq ki, ünvanlı yardım alınması üçün ehtiyac meyarı bütün ölkə üçün eynidir və 105 manat təşkil edir.

Müşahidələr göstərir ki, bölgələrdə yardım alanların sayını azlığının əsas səbəbi yardım üçün tətbiq olunan müxtəlif standartlar və mövcud olan problemlərdir. Məsələ bundadır ki, torpaq sahəsinin olması ünvanlı sosial yardımdan imtina üçün əsasdır - bölgələrdə isə əksəriyyətin pay torpağı var. Ona görə də bu amil ünvanlı sosial yardımla bağlı müraciətləri azaldır.

Digər tərəfdən, yeni qaydalara görə, ünvanlı yardımla bağlı müraciətlər yalnız elektron şəkildə edilməlidir. Deməli, yardım üçün müraciət etməkdən ötrü kompüter və internetə əlçatanlıq tələb olunur. Bölgələrdə, xüsusilə kəndlərdə bu imkanlar məhduddur. Bütün bunlar ünvanlı yarlım üçün bölgələrdən edilən müraciətləri və yardım alan ailələrin sayını azaldır.

Ünvanlı sosial yardım alan vətəndaşların rayonlar üzrə sayını təqdim edirik:

Abşeron – 1656 ailə
Ağcabədi - 1523 ailə
Agdam – 1647 ailə
Ağdaş – 1380 ailə
Ağstafa - 349 ailə
Ağsu – 1135 ailə
Astara – 2510 ailə
Balakən – 1101 ailə
Beyləqan – 1767 ailə
Bərdə - 2127 ailə
Biləsuvar – 2154 ailə
Binəqədi – 1964 ailə
Cəbrayıl - 186 ailə
Cəlilabad – 2746 ailə
Daşkəsən – 869 ailə
Füzuli – 465 ailə
Gədəbəy – 1297 ailə
Gəncə - 2668 ailə
Goranboy – 1732 ailə
Göyçay -1133 ailə
Göygöl – 1083 ailə
Hacıqabul – 741 ailə
Xaçmaz – 2202 ailə
Xətai- 1633 ailə
Xəzər – 2926 ailə
Xızı – 191 ailə
Xocalı – 43 ailə
Xocavənd – 117 ailə
İmişli - 1282 ailə
İsmayıllı – 656 ailə
Kəlbəcər - 320 ailə
Kürdəmir - 1574 ailə
Qax – 750 ailə
Qaradağ – 982 ailə
Qazax – 1267 ailə
Qəbələ - 781 ailə
Qobustan – 495 ailə
Quba – 2026 ailə
Qubadlı – 279 ailə
Qusar - 1335 ailə
Laçın - 516 ailə
Lerik - 825 ailə
Lənkəran – 3089 ailə
Masallı – 3006 ailə
Mingəçevir – 1128 ailə
Naftalan - 108 ailə
Neftçala - 956 ailə
Nərimanov – 1156 ailə
Nəsimi – 802 ailə
Nizami - 1016 ailə
Oğuz - 380 ailə
Saatlı – 1608 ailə
Sabirabad – 1748 ailə
Sabunçu - 1810 ailə
Salyan - 1792 ailə
Samux - 762 ailə
Səbail - 255 ailə
Siyəzən - 568 ailə
Sumqayıt - 3079 ailə
Suraxanı – 1738 ailə
Şabran - 993 ailə
Şamaxı - 1261 ailə
Şəki – 2154 ailə
Şirvan - 877 ailə
Şəmkir - 2653 ailə
Şuşa - 283 ailə
Tərtər - 1005 ailə
Tovuz – 2436 ailə
Ucar - 1149 ailə
Yardımlı – 1591 ailə
Yasamal – 1379 ailə
Yevlax – 1728 ailə
Zaqatala – 1791 ailə
Zəngilan - 231 ailə
Zərdab – 688 ailə (Fins.az).