Azərbaycan Avrasiyada üçüncü qaz hasilatçısına çevriləcək - Hesabat

Azərbaycan 2050-ci ilədək ildə 40 milyard kubmetrə yaxın qaz hasil edəcək və Avrasiyada üçüncü hasilatçıya çevriləcək.

Teleqraf.com bu barədə Qaz İxrac edən Ölkələrin Forumunun (GECF) hesabatına istinadən məlumat verir.

Hesabatda qeyd olunur ki, 2050-ci ilədək regionda qaz hasilatı təxminən 40 faiz artacaq və 1,3 trilyon kubmetrədək çatacaq:

"Rusiya və Türkmənistan bu göstəricinin müvafiq olaraq 78 və 17 faizini təmin edəcək. Azərbaycan həmin dövrədək 40 milyard kubmetr qaz hasil edəcək və miqyasına görə üçüncü hasilatçıya çevriləcək. "Şahdəniz" və "Abşeron" yataqlarındakı irəliləyiş Azərbaycanda qaz hasilatının əsasını təşkil edir".