13 Yanvar 12:57
309
12 Punto 14 Punto 16 Punto 18 Punto

“İnflyasiya ilə mübarizə üçün faiz dərəcələrinin artırılması zəngin və kasıb ölkələr arasında uçurumu dərinləşdirə bilər”.

Teleqraf.com xəbər verir ki, bunu Beynəlxalq Valyuta Fondunun (BVF) icraçı direktoru Kristina Georgieva deyib.

O, xəbərdarlıq edib ki, mərkəzi bankların inflyasiya ilə mübarizə üçün faiz dərəcələrinin artırılması inkişaf etmiş və inkişaf etməkdə olan iqtisadiyyatlar arasında təhlükəli fərqi dərinləşdirə bilər:

“Yüksək inflyasiya bütün dünya üçün etibarlı bir hal deyil, ancaq ABŞ başda olmaqla bəzi ölkələr üçün problem var. Federal Ehtiyatlar Sistemi (FED) və digər böyük mərkəzi banklar 2022-ci ildə faiz dərəcələrini artırsalar, bu, inkişaf etməkdə olan bazarlara təsir göstərəcək və fikir ayrılığının alovlandıracaq”.

"Qabaqcıl iqtisadiyyatlarda faiz artımları borclanma xərclərini artıracaq və investisiyaları inkişaf etməkdə olan ölkələrdən yayındıracaq. Qlobal iqtisadiyyatda böyümə davam edəcək, lakin bu güclü küləklərə qarşı olacaq. 2019-cu ildə yaşanan sosial narazılığın bu il yenidən ortaya çıxması gözlənilir” – deyə, Georgieva fikirlərinə əlavə edib.


Müəllif: Yeganə Oqtayqızı