Neft bahalaşdı

Dünya bazarında neftin qiyməti 0,65 % bahalaşıb.

Teleqraf.com "İnterfaks"a istinadən xəbər verir ki, “Brent” markalı neftin iyun fyuçersləri 84,73 ABŞ dollarına satılıb. "WTI" markalı neftin may fyuçerslərinin qiyməti isə 0,74 % artaraq 1 bareli 80,33 ABŞ dolları təşkil edib.

Bu həftə bazarın diqqəti OPEC, Beynəlxalq Enerji Agentliyi (BEA) və ABŞ Energetika Nazirliyinin hesabatlarının dərcinə yönəlib.

Bundan əlavə, ABŞ-da inflyasiya ilə bağlı mart ayı üzrə məlumatların açıqlanması gözlənilir.