Mikayıl Cabbarov çinli nazirlə müzakirələr apardı

İqtisadiyyat naziri Mikayıl Cabbarov Çin Xalq Respublikasının kommersiya nazirinin müavini Linq Ci ilə görüşüb.

Teleqraf.com xəbər verir ki, bu barədə iqtisadiyyat naziri Mikayıl Cabbarov “X” sosial şəbəkə hesabında yazıb.

“Çin Xalq Respublikasının kommersiya nazirinin müavini Linq Ci ilə ikitərəfli iqtisadi əlaqələrin gücləndirilməsi üçün mövcud imkanlar, investisiya qoyuluşu və ticarət sahəsində əməkdaşlığın genişləndirilməsi və infrastruktur layihələri çərçivəsində qarşılıqlı fəaliyyətin təşviqi barədə fikir mübadiləsi apardıq” - deyə, nazir qeyd edib.