"Kolin İnşaat"ın da daxil olduğu "Koloğlu Holding" uğura imza atdı

"Kolin İnşaat" şirkətinin də daxil olduğu "Koloğlu Holding" tərəfindən yaradılan "Sefine" Gəmiqayırma Zavodu böyük uğura imza atıb.

"Sefine Gəmiqayırma Zavodu"nun ev sahibliyi etdiyi, Türkiyə Prezidenti Rəcəb Tayyib Ərdoğanın və digər dövlət nümayəndələrinin iştirakı ilə “Mavi Vətəndə Güc: Yeni Dəniz Platformalarının Təslim Edilməsi Mərasimi” keçirilib.

Türkiyə Hərbi Dəniz Qüvvələrinin qüdrətini gücləndirəcək milli gəmiləri Türk Dəniz Qüvvələri Komandanlığının inventarına daxil edilib.

Dəniz donanmasının ikinci ən böyük gəmisi olan “TCG DERYA”nın və dünyada elektron döyüş qabiliyyətinə malik ilk və yeganə pilotsuz suüstü nəqliyyat vasitəsi olan “MARLIN SİDA”nın şanlı Türk Dəniz Qüvvələrində istifadəsinə başlanılıb.

Qeyd edək ki, "Sefine Gəmiqayırma Zavodu", "Kolin İnşaat" şirkətinin də daxil olduğu "Koloğlu Holding" tərəfindən yaradılıb.